,,,طلقة الرحمة,,

,,,طلقة الرحمة,,,

إذا لك شف في شوفي..تراني
على شوفتك..صحيت الا ماني
زرعت الشوق كله بـ انتظارك
وآخذت الانتظار وجيت عاني
نسيت الناس لكن..مانسيتك
عجزت آنساك حتى لو ثوآني
مليت الكون واشلغت الجوارح
نظر عيني..سماع اذني..لساني
عطيتك شي ماهو عند غيرك
ولا قصرت..لكنك آناني...!
أنا احبك..واذا ودك تأكد
شف الله كيف بـ يدينك هدآني
غيابك صعب والاصعب حضورك
وانا في الحالتين..اتعب وآعاني
حبيبي لآتواخذني..ولكن
أبيك تحط نفسك في مكاني
إذآ جيتك وانا مشتاق تقفي
تجاهلني وكنك ماتراني
واذا صديت عنك وقلت ابرحل
وقف قلبك على الباب..ودعاني
ولو سويت نفسي ماأشوفك
يميل القلب صوبك ويحداني
انى يابن الحلال اصعب حكاية
كتبني الوقت..لكن ماقرآني...!
مضى عمري وتقدر تعتبرني
غريب..وفي زمن ماهو زماني
زماني راح مع نصفي..ونصفي
نسى نفسه مع الوقت ونساني
آسافر حزن..والصحبة ثلاثة
انا..والصبر..وسهيل اليماني
وإذآ مريت فـ بلآد الطفولة
فتحت الصدرللحزن وطوآني
هنا..دمعة جرت من عين جاهل
هنا..لآقيت همي والتقاني
هنا..باعتني الديرهـ وأهلها
هنا..ضحيت لفلان وجفاني
هنا..حاولت اصيح وماسمعني
سوى بعض الشوارع والمباني
انا ياسيدي دقة قديمة
بغيت آخذ من الوقت..وخذآني
على الانقاض واقف دون حيلة
اشوفك وجهتي بين الموآني
تعال..وطف بـ يدينك حنيني
تملكني..وانا اشعل لك حناني
تعال..وضمني ياتاج قلبي
دخيلك لآتخليني..عشاني
انا شاعر عيونك ياحبيبي
مع التحريف في بعض المعاني
(ومانيل المطالب بالتمني
ولكن شوفتك كل الاماني)
محبة صادق النية..قصاآيد
ومحبة ساقط النية..أغاآني
قسم بالله..لو موتي بـ يدك
وآموت ألفين مرة..ماكفاآني
وإّذا باقي من الطلقات..طلقة
دخيلك..حطها بين المحاآني,,

الشاعر/عبدالله ذويبان